ആലപ്പുഴ- പക്ഷിപ്പനിയെ കുറിച്ച് പഠിക്കാന് കേന്ദ്ര സംഘം കേരളത്തിലേക്ക്. ആലപ്പുഴയില് പക്ഷിപ്പനി റിപ്പോര്ട്ട് ചെയ്തതിന് പിന്നാലെയാണ് ആരോഗ്യ മന്ത്രാലയം ഏഴംഗ സംഘത്തെ അയക്കുമെന്ന് അറിയിച്ചത്. രോഗവ്യാപനം സംബന്ധിച്ച് പ്രദേശത്ത് വിശദമായി പരിശോധന നടത്തി, ശുപാര്ശകള് അടങ്ങിയ റിപ്പോര്ട്ട് സംഘം സമര്പ്പിക്കും. രോഗ വ്യാപന തോത് കുറയ്ക്കാനുള്ള നിര്ദ്ദേശങ്ങളും സംസ്ഥാനത്തിന് നല്കും. ന്യൂദല്ഹിയിലെ നാഷണല് ഇന്സ്റ്റിറ്റ്യൂട്ട് ഓഫ് ട്യൂബര്കുലോസിസ് ആന്ഡ് റെസ്പിറേറ്ററി ഡിസീസസ്, ന്യൂഡല്ഹി നാഷണല് സെന്റര് ഫോര് ഡിസീസ് കണ്ട്രോള്, ന്യൂഡല്ഹി ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസ് , ചെന്നൈയിലെ നാഷണല് ഇന്സ്റ്റിറ്റ്യൂട്ട് ഓഫ് എപ്പിഡെമിയോളജി, എന്നിവിടങ്ങളില് നിന്നുള്ള വിദഗ്ധര് ഉള്പ്പെടുന്നതാണ് കേരളത്തിലേക്കുള്ള 7 അംഗ കേന്ദ്രസംഘം.
