ലഖ്‌നൗ-ഉത്തര്‍ പ്രദേശിലെ മുസഫര്‍ നഗറില്‍ 62 പേരുടെ മരണത്തിനിടയാക്കിയ 2013ലെ കലാപവുമായി ബന്ധപ്പെട്ട കേസില്‍ ബി.ജെ.പി എം.എല്‍.എ വിക്രം സെയ്‌നിയടക്കം 12 പേര്‍ക്ക് രണ്ട് വര്‍ഷം തടവ് ശിക്ഷ. പ്രതികള്‍ 10,000 രൂപ വീതം പിഴയടക്കുകയും വേണം. കേസിലെ മറ്റ് 15 പ്രതികളെ തെളിവുകളുടെ അഭാവത്തില്‍ കോടതി വെറുതെ വിട്ടു. പ്രത്യേക കോടതി ജഡ്ജി ഗോപാല്‍ ഉപധ്യായയാണ് കേസില്‍ വിധി പറഞ്ഞത്.
12 പേര്‍ കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു. 2013ലാണ് മുസാഫര്‍നഗറില്‍ കലാപമുണ്ടായത്. 2013 ഓഗസ്റ്റില്‍ ഷാനവാസ് എന്ന യുവാവിനെ ആറുപേര്‍ ചേര്‍ന്ന് കൊലപ്പെടുത്തിയതോടെ ആയിരുന്നു വര്‍ഗീയ കലാപത്തിനു തുടക്കം.
ഉത്തര്‍പ്രദേശിലെ ഖതൗലിയില്‍ നിന്നുളള എം.എല്‍.എയാണ് വിക്രം സെയ്‌നി.
