റിയാദ് - സൗദി അറേബ്യയുടെ 92 -ാം ദേശീയദിനാഘോഷത്തോടനുബന്ധിച്ച് ദേശീയ വിമാന കമ്പനിയായ സൗദിയ പ്രത്യേക ഓഫര് പ്രഖ്യാപിച്ചു. ആഭ്യന്തര ടിക്കറ്റുകള് 92 റിയാലിന് നല്കുന്ന ഓഫറാണ് കമ്പനി പ്രഖ്യാപിച്ചത്. ജനുവരി ഒന്നു മുതല് മാര്ച്ച് 31 വരെയുള്ള കാലത്ത് യാത്ര ചെയ്യാന് സെപ്റ്റംബര് 21 മുതല് 23 വരെയുള്ള ദിവസങ്ങളില് ബുക്ക് ചെയ്യുന്ന ടിക്കറ്റുകള്ക്ക് ഭാഗ്യശാലികള്ക്ക് ഓഫര് ലഭിക്കും. എല്ലാ സെക്ടറുകളിലും പരിമിതമായ സീറ്റുകളാണ് ഓഫറില് നല്കുക. ഇക്കോണമി ക്ലാസ് ടിക്കറ്റ് 92 റിയാലിനും ബേസിക് ഇക്കോണമി ക്ലാസ് ടിക്കറ്റ് 192 റിയാലിനും ലഭിക്കും. രാജ്യത്തെ മുഴുവന് ആഭ്യന്തര വിമാനത്താവളങ്ങളിലേക്കുമുള്ള സര്വീസുകളില് വണ്വേ ടിക്കറ്റിനു മാത്രമാണ് ഓഫര് ലഭിക്കുകയെന്നും സൗദിയ അറിയിച്ചു.
