കോട്ടയം -പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയി പീഡിപ്പിച്ച സംഭവത്തില് 19 കാരി ഉള്പ്പടെ മൂന്നുപേര് അറസ്റ്റില്. മുണ്ടക്കയം കോടമല വീട്ടില് മനോജ് മകന് നിതിന് മനോജ് (19), മുണ്ടക്കയം പാറത്തോട് വെള്ളാപ്പള്ളില് വീട്ടില് തങ്കപ്പന് മകന് നിതിന് (33), കൊക്കയാര് ഭാഗത്ത് കുമ്പുക്കല് വീട്ടില് ജോബി സെബാസ്റ്റ്യന് മകള് അഞ്ജലി സെബാസ്റ്റ്യന് (19)എന്നിവരെയാണ് കാഞ്ഞിരപ്പള്ളി പോലീസ് അറസ്റ്റ് ചെയ്തത്.
സുഹൃത്തുക്കളുടെ സഹായത്തോടെ കുട്ടിയെ തട്ടിക്കൊണ്ടുപോയി പീഡിപ്പിക്കുകയായിരുന്നു. പെണ്കുട്ടിയെ കാണാനില്ലെന്ന പരാതിയെ തുടര്ന്ന് കാഞ്ഞിരപ്പള്ളി പോലീസ് നടത്തിയ അന്വേഷണത്തില് ഇവരെ കണ്ടെത്തുകയുമായിരുന്നു. പെണ്കുട്ടിയെ കടത്തിക്കൊണ്ടു പോകാന് സഹായിച്ച കുറ്റത്തിനാണ് മനോജിനെയും അഞ്ജലിയെയും അറസ്റ്റ് ചെയ്തത്. കോടതിയില് ഹാജരാക്കി റിമാന്റു ചെയ്തു.
