നെടുമ്പാശ്ശേരി- കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്താന് ശ്രമിച്ച തങ്കം കസ്റ്റംസ് എയര് ഇന്റലിജന്സ് വിഭാഗം പിടികൂടി. ദുബായില്നിന്നു പുലര്ച്ചെ കൊച്ചി അന്താരാഷ്ട്ര വിമാനത്താവളത്തില് എത്തിയ യാത്രക്കാരനില്നിന്നാണ് 42 ലക്ഷം രൂപയുടെ തങ്കം കസ്റ്റംസ് പിടികൂടിയത്. മണ്ണാര്ക്കാട് സ്വദേശിയായ യാത്രക്കാരന് നാല് ക്യാപ്സൂളുകളാക്കി മലദ്വാരത്തില് ഒളിപ്പിച്ച് കടത്താന് ശ്രമിച്ച 919 ഗ്രാം തനിത്തങ്കമാണ് കസ്റ്റംസ് പിടികൂടിയത്. ബാഗേജ് പരിശോധന പൂര്ത്തിയാക്കി യാത്രക്കാരന് പുറത്തേക്ക് കടക്കുവാന് ശ്രമിക്കവെ സ്കാനറിലൂടെയുള്ള പരിശോധനയില് സംശയം തോന്നിയതിനെത്തുടര്ന്ന് യാത്രക്കാരനെ കസ്റ്റംസിന്റെ നേതൃത്വത്തില് വിശദമായ പരിശോധനക്ക് വിധേയനാക്കിയപ്പോഴാണ് മലദ്വാരത്തില് ഒളിപ്പിച്ച നാല് ക്യാപ്സ്യൂളുകള് കണ്ടെത്തിയത്. യാത്രക്കാരനില്നിന്നു തങ്കം ഏറ്റുവാങ്ങാന് കൊച്ചി അന്താരാഷ്ട്ര വിമാനത്താവളത്തില് എത്തിയ ആളെയും പിടികൂടിയതായും കേസ് രജിസ്റ്റര് ചെയ്ത് വിശദമായ അന്വോഷണം ആരംഭിച്ചതായും കസ്റ്റംസ് അധികൃതര് അറിയിച്ചു.
