പഠാന്‍- ഗുജറാത്തിലെ പഠാനില്‍ നീല ചിത്രങ്ങള്‍ക്ക് അടിമപ്പെട്ട 22 കാരനായ യുവാവ് ഉറങ്ങിക്കിടക്കുകയായിരുന്ന സ്വന്തം അമ്മയെ ബലാല്‍സംഗം ചെയ്തു. വ്യാഴാഴ്ച ഉച്ചയ്ക്ക് ഒരു മണിക്ക് നടന്ന സംഭവത്തിലെ പ്രതിയെ പോലീസ് അറസ്റ്റ് ചെയ്തിട്ടുണ്ട്. വെള്ളം കുടിക്കാനെന്നു പറഞ്ഞാണ് അമ്മയുടെ മുറിയിലേക്ക് പ്രതി കടന്നത്. എന്നാല്‍ അമ്മയെ ഇയാള്‍ ഹീനകൃത്യത്തിനിരയാക്കുകയായിരുന്നു. ബലാല്‍സംഗം ചെയ്യുന്നതിനു മുമ്പ് പ്രതി തന്റെ വായമൂടിക്കെട്ടിയെന്നും അമ്മ നല്‍കിയ പരാതിയില്‍ പറയുന്നു.
രക്ഷയ്ക്കായി നിലവിളിച്ചെങ്കിലും വിഫലമായി. അമ്മയും മകനും ഇടയ്ക്കിടെ വഴക്കിടാറുണ്ട്. ഈ സംഭവവവും വഴക്കായിരിക്കുമെന്ന് കരുതി അയല്‍ക്കാര്‍ ആരും സഹായത്തിനെത്തിയില്ലെന്നു പോലീസ് പറഞ്ഞു. പ്രതിയായ യുവാവ് അമ്മയുടേയും സഹോദരിയുടേയും സാന്നിധ്യത്തില്‍ പലപ്പോഴും പോണ്‍ ഫിലിംസ് കാണാറുണ്ടെന്നും ഇയാള്‍ നീല ചിത്രങ്ങള്‍ക്ക് അടിമയാണെന്നും പോലീസ് പറഞ്ഞു.
