മാരുതി സുസുകി എർട്ടിഗയുടെ വില വർധിപ്പിച്ചു. 6000 രൂപയുടെ വർധനയാണ് നിലവിൽ വരുത്തിയിരിക്കുന്നത്. എർട്ടിഗയുടെ എല്ലാ വകഭേദങ്ങൾക്കും വർധന ബാധകമാവും. എർട്ടിഗയുടെ എല്ലാ വേരിയന്റുകളിലും ഇലക്‌ട്രോണിക് സ്‌റ്റെബിലിറ്റി പ്രോഗ്രാമും ഹിൽ ഹോൾഡ് അസിസ്റ്റും നൽകുന്നതിനാലാണ് വില വർധനയെന്നാണ് കമ്പനി പറയുന്നത്. നേരത്തെ ഈ ഫീച്ചറുകൾ ഓട്ടോമാറ്റിക്, ടോപ് എൻഡ് മാനുവൽ ട്രിമ്മുകളിൽ മാത്രമാണ് നൽകിയിരുന്നത്.
വില വർധിപ്പിച്ചതോടെ 8.41 ലക്ഷം രൂപയായിരിക്കും മോഡലിന്റെ എക്‌സ് ഷോറൂം വില. 5 സ്പീഡ് മാനുവൽ ഗിയർ ബോക്‌സും 6 സ്പീഡ് ടോർക് ഓട്ടോമാറ്റിക് കൺവെർട്ടറുമാണ് എർട്ടിഗയിൽ ഒരുക്കിയിരിക്കുന്നത്.
