കൊല്ലം- കെപിസിസി ഉപാധ്യക്ഷന്‍ വി ടി ബല്‍റാമിനെതിരെ പോലീസ് കേസ്. ഹിന്ദു ദൈവങ്ങളെ അധിക്ഷേപിച്ചെന്ന പരാതിയില്‍ കൊല്ലം അഞ്ചാലംമൂട് പോലീസ് ആണ് കേസ് രജിസ്റ്റര്‍ ചെയ്!തത്. ദൈവങ്ങളെ അധിക്ഷേപിച്ച് ഫേസ്ബുക്കില്‍ പോസ്റ്റിട്ടെന്ന പരാതിയിലാണ് കേസ്.
കൊല്ലം സ്വദേശി ജി കെ മധു നല്‍കിയ പരാതിയിലാണ് പോലീസ് എഫ്‌ഐആര്‍ ഇട്ടത്. പുതിയ പാര്‍ലമെന്റ് കെട്ടിടത്തിലെ അശോക സ്തംഭ സിംഹങ്ങള്‍ക്ക് ഭാവ വ്യത്യാസമുണ്ടെന്ന് പരോക്ഷമായി വിമര്‍ശിച്ചായിരുന്നു വി ടി ബല്‍റാമിന്റെ ഫേസ്ബുക്ക് പോസ്റ്റ്. 'എന്തിനാണ് ഈ ദൈവങ്ങളൊക്കെ ഇങ്ങനെ കലിപ്പന്മാരാവുന്നത്? ഒരു പൊടിക്ക് ഒന്നടങ്ങിക്കൂടെ' എന്നാണ് ബല്‍റാം ഫേസ്ബുക്കില്‍ കുറിച്ചത്. ഹനുമാന്റെയും ശിവന്റെയും ചിത്രങ്ങളാണ് ബല്‍റാം പങ്കുവെച്ചത്.
