മണ്ണാര്ക്കാട്- എച്ച്.ആര്.ഡി.എസ് സെക്രട്ടറി അജി കൃഷ്ണനെ പോലീസ് അറസ്റ്റു ചെയ്തു. ഷോളയൂര് പോലീസാണ് ഇന്നലെ രാത്രി എട്ടരയോടെ അറസ്റ്റ് രേഖപ്പെടുത്തിയത്. മറ്റൊരു കേസില് പരാതി കൊടുക്കാനായി ഡി.വൈ.എസ്.പി ഓഫീസിലെത്തി തിരിച്ചുപോരുമ്പോള് വീണ്ടും വിളിച്ചുവരുത്തി അറസ്റ്റുചെയ്യുകയായിരുന്നുവെന്ന് അജി കൃഷ്ണന്റെ മകന് നികിത് കൃഷ്ണന് പറഞ്ഞു. ഇന്നലെ രാവിലെയാണ് അജി കൃഷ്ണന് വിദേശത്ത് നിന്നുമെത്തിയത്.ആദിവാസി ഭൂമി കയ്യേറിയെന്ന കേസില് വിവിധ വകുപ്പുകള് ചുമത്തിയാണ് അറസ്റ്റ് ചെയ്തിരിക്കുന്നത്. സ്വപ്ന സുരേഷിന് ജോലി നല്കിയതുമായി ബന്ധപ്പെട്ട് വിവാദത്തിലായ സ്ഥാപനമാണ് എച്ച്.ആര്.ഡി.എസ്.
