Sorry, you need to enable JavaScript to visit this website.
Monday , August   08, 2022
Monday , August   08, 2022

ഇന്ത്യയില്‍ 13,086 പേര്‍ക്കു കൂടി കോവിഡ്, ആക്ടീവ് കേസുകള്‍ 1,14,475

ന്യൂദല്‍ഹി-രാജ്യത്ത് 24 മണിക്കൂറിനിടെ 13,086 പേര്‍ക്കു കൂടി കോവിഡ് സ്ഥിരീകരിച്ചു. 19 രോഗികള്‍ മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു.
12,456 പേരാണ് കഴിഞ്ഞ ദിവസം രോഗമുക്തി നേടിയത്. ആക്ടീവ് കേസുകള്‍ 1,14,475 ആയി വര്‍ധിച്ചപ്പോള്‍ മരണസംഖ്യയും 5,25,242 ആയി ഉയര്‍ന്നു.
തൊട്ടുമുമ്പത്തെ ദിവസം 16135 പുതിയ കോവിഡ് കേസുകളും 24 മരണങ്ങളുമാണ് റിപ്പോര്‍ട്ട് ചെയ്തിരുന്നത്.


എസ്.ഐ റിക്രൂട്ട്‌മെന്റ് അഴിമതി;
മുന്‍ എ.ഡി.ജി.പി അറസ്റ്റില്‍

ബെംഗളൂരു- കര്‍ണാടകയില്‍ കഴിഞ്ഞ വര്‍ഷം നടന്ന പോലീസ് സബ് ഇന്‍സ്‌പെക്ടര്‍ റിക്രൂട്ട്‌മെന്റിലുണ്ടായ അഴിമതിയുമായി ബന്ധപ്പെട്ട് മുന്‍ എ.ഡി.ജി.പി (അഡീഷണല്‍ ഡയരക്ടര്‍ ജനറല്‍ ഓഫ് പോലീസ്) അമൃത് പോള്‍ അറസ്റ്റിലായി.
ബെംഗളൂരുവില്‍ അറസ്റ്റിലായ ഇയാളെ പത്ത് ദിവസത്തേക്ക് പോലീസ് കസ്റ്റഡിയില്‍ വിട്ടു. റിക്രൂട്ട്‌മെന്റ് പരീക്ഷയുടെ ഭാഗമായുള്ള ഒ.എം.ആര്‍ ഷീറ്റുകള്‍ ഓഫീസില്‍വെച്ചു തന്നെ പൂരിപ്പിച്ചായിരുന്നു തട്ടിപ്പ്. റിക്രൂട്ട്‌മെന്റ് സെല്ലിന്റെ തലവനായിരുന്നു ഇപ്പോള്‍ അറസ്റ്റിലായ് അമൃത് പോള്‍.

 

Latest News