ന്യൂദല്‍ഹി- രാജ്യത്ത് കഴിഞ്ഞ 24 മണിക്കൂറിനിടെ 18,819 പുതിയ കോവിഡ് കേസുകളും 39 പുതിയ മരണങ്ങളും റിപ്പോര്‍ട്ട് ചെയ്തു. കേന്ദ്ര ആരോഗ്യ മന്ത്രാലയത്തിന്റെ കണക്കുകള്‍ പ്രകാരം 130 ദിവസത്തെ ഇടവേളയ്ക്ക് ശേഷമാണ് ഇന്ത്യയില്‍ വീണ്ടും പ്രതിദിന കേസുകള്‍ 18,000 കടന്നിരിക്കുന്നത്. ഇതോടെ രാജ്യത്ത് കോവിഡ് ബാധിച്ചവരുടെ എണ്ണം 4,34,52,164 ആയി.
ആക്ടീവ് കേസുകള്‍ 122 ദിവസത്തിന് ശേഷം വീണ്ടും ഒരു ലക്ഷം കടന്നു.39 പേര്‍ കൂടി മരിച്ചതോടെ മരണസംഖ്യ 5,25,116 ആയി ഉയര്‍ന്നു,
മൊത്തം അണുബാധകയുടെ 0.24 ശതമാനമാണ് ആക്ടീവ് കേസുകള്‍- 1,04,555 . അതേസമയം ദേശീയ കോവിഡ് മുക്തി നിരക്ക് 98.55 ശതമാനമാണെന്ന് കേന്ദ്ര ആരോഗ്യ മന്ത്രാലയം അറിയിച്ചു.
24 മണിക്കൂറിനിടെ 4,953 ആക്ടീവ് കേസുകളാണ് വര്‍ധിച്ചത്.
പ്രതിദിന പോസിറ്റിവിറ്റി നിരക്ക് 4.16 ശതമാനവും പ്രതിവാര പോസിറ്റിവിറ്റി നിരക്ക് 3.72 ശതമാനവും രേഖപ്പെടുത്തിയതായി മന്ത്രാലയം അറിയിച്ചു.
