മലപ്പുറം- യുവതിയെ ഭര്തൃവീട്ടിലെ കിടപ്പുമുറിയില് തൂങ്ങി മരിച്ച നിലയില് കണ്ടെത്തി. തച്ചിങ്ങനാടം അരീച്ചോല പൂവത്തി വീട്ടില് ഇര്ഷാദിന്റെ ഭാര്യ നുസ്റത്ത് (22) ആണ് മരിച്ചത്. കിടപ്പുമുറിയിലെ തൊട്ടില് ഹുക്കില് തൂങ്ങിയ നിലയിലായിരുന്നു മൃതദേഹം. വാതില് അകത്തു നിന്ന് പൂട്ടിയിരുന്നു. ഏറെ നേരം പുറത്തേക്ക് വരാത്തതിനെ തുടര്ന്ന് വീട്ടുകാര് ജനല് തുറന്നു നോക്കിയപ്പോഴാണ് തൂങ്ങിയ നിലയില് കണ്ടത്.
നാലു വര്ഷം മുമ്പായിരുന്നു ഇവരുടെ വിവാഹം. മൂന്ന് വയസ്സായ മകളുണ്ട്. ഭര്ത്താവ് ഇര്ഷാദ് ഒമാനില് മൊബൈല് ടെക്നീഷ്യനാണ്. രണ്ടു മാസം മുമ്പാണ് ഒമാനിലേക്ക് പോയത്.
പൂന്താനം പടിഞ്ഞാറെതില് ഹംസ-ലൈല ദമ്പതികളുടെ മകളാണ് മരിച്ച നുസ്റത്ത്. മകള്: സന്ഹ അയ്മന്. മേലാറ്റൂര് പോലീസ് അസ്വാഭാവിക മരണത്തിന് കേസെടുത്തു.
