കോഴിക്കോട്- നിര്മാണത്തിലിരുന്ന കൂളിമാട് പാലം തകര്ന്നതിന് പിന്നാലെ സര്ക്കാരിനെയും പൊതുമരാമത്ത് വകുപ്പ് മന്ത്രിയെയും ഉന്നമിട്ട് ചോദ്യശരങ്ങളുമായി മുസ്്ലിം യൂത്ത് ലീഗ് നേതാവ് പി.കെ. ഫിറോസ്.
29കോടി മുടക്കി നിര്മിക്കുന്ന പാലമാണ് ഇന്ന് രാവിലെ തകര്ന്നത്. ഈ പാലത്തിന്റെ നിര്മാണത്തിന് സിമന്റ് ഉപയോഗിച്ചിട്ടുണ്ടോ? പാലത്തിന്റെ തകരാറിനുത്തരവാദി പൊതുമരാമത്ത് മന്ത്രിയാണോ? അങ്ങിനെയെങ്കില് ഇക്കഴിഞ്ഞ പൊതുമരാമത്ത് മന്ത്രിയാണോ ഇപ്പോഴത്തെ പൊതുമരാമത്ത് മന്ത്രിയാണോ?' എന്ന് പി.കെ ഫിറോസ് ചോദിക്കുന്നു.
ഫേസ്ബുക്ക് പോസ്റ്റിന്റെ പൂര്ണരൂപം
ഈ മാസം അവസാനം ഉദ്ഘാടനം ചെയ്യാനിരുന്ന കൂളിമാട് പാലം തകര്ന്നിരിക്കുന്നു. 29 കോടിയുടെ പദ്ധതിയാണ്. ഇടതുപക്ഷ സര്ക്കാര് ഉത്തരം പറയേണ്ട ചോദ്യങ്ങള് പലതാണ്. ഈ പാലത്തിന്റെ നിര്മ്മാണത്തിന് സിമന്റ് ഉപയോഗിച്ചിട്ടുണ്ടോ? പാലത്തിന്റെ തകരാറിനുത്തരവാദി പൊതുമരാമത്ത് മന്ത്രിയാണോ? അങ്ങിനെയെങ്കില് ഇക്കഴിഞ്ഞ പൊതുമരാമത്ത് മന്ത്രിയാണോ ഇപ്പോഴത്തെ പൊതുമരാമത്ത് മന്ത്രിയാണോ? പാലത്തിന്റെ നിര്മ്മാണത്തില് നടന്ന അഴിമതിയെ സംബന്ധിച്ച് വിജിലന്സ് അന്വേഷണം നടത്തുമോ? മന്ത്രിയെ അറസ്റ്റ് ചെയ്യുമോ? പഴയ എസ്.എഫ്.ഐക്കാരായ മാധ്യമസിങ്കങ്ങളുടെ ന്യായീകരണ സിദ്ധാന്തത്തിന് കാത്തിരിക്കുന്നു.
