കൊല്ലം- വൈദിക പഠനത്തിനെത്തിയ വിദ്യാര്ഥികളെ പ്രകൃതിവിരുദ്ധപീഡനത്തിന് ഇരയാക്കിയ വൈദികന് 18 വര്ഷം കഠിനതടവ്. കൊല്ലം അഡീഷണല് സെഷന്സ് ജഡ്ജി (പോക്സോ) കെ.എന്. സുജിത്താണ് ശിക്ഷ വിധിച്ചത്. കൊട്ടാരക്കരയിലെ ഒരു പള്ളിയില് വികാരിയായിരുന്ന ഫാ. തോമസ് പാറേക്കുളമാണ് നാലു വിദ്യാര്ഥികളെ പീഡിപ്പിച്ചത്. 2016-ലാണ് സംഭവം.
തിരുവനന്തപുരം ശിശുക്ഷേമസമിതിക്ക് ലഭിച്ച പരാതിയെത്തുടര്ന്ന് പുത്തൂര് പോലീസ് ഇന്സ്പെക്ടറായിരുന്ന ഷൈനു തോമസാണ് അന്വേഷണം നടത്തിയത്. അന്വേഷണവേളയില് കസ്റ്റഡിയില്നിന്നു രക്ഷപ്പെട്ട പ്രതിയെ പിന്നീട് ചെന്നൈയില്നിന്ന് പിടികൂടുകയായിരുന്നു.
പ്രോസിക്യൂഷനുവേണ്ടി അഡീഷണല് പബ്ളിക് പ്രോസിക്യൂട്ടര് സിസിന് ജി.മുണ്ടയ്ക്കല്, സ്പെഷ്യല് പബ്ളിക് പ്രോസിക്യൂട്ടര് സോജ തുളസീധരന് എന്നിവര് ഹാജരായി.
