ന്യൂദല്ഹി- കോവിഡ് കേസുകള് ഉയരുന്ന സാഹചര്യത്തില് ദല്ഹിയില് മാസ്ക് വീണ്ടും നിര്ബന്ധമാക്കി. മാസ്ക് ധരിക്കാതെ പുറത്തിറങ്ങുന്നവര്ക്ക് 500 രൂപ പിഴ ചുമത്തും. രോഗപ്രതിരോധ നടപടിയുടെ ഭാഗമായി ദല്ഹി ദുരന്ത നിവാരണ അതോറിറ്റിയാണ് പുതിയ നിയന്ത്രണങ്ങള് ഏര്പ്പെടുത്തിയത്.
കോവിഡ് പരിശോധന വ്യാപകമാക്കാനും വാക്സിനേഷന് കൂടുതല് ശക്തിപ്പെടുത്താനും നിര്ദേശമുണ്ട്. അതേസമയം സ്കൂളുകള് അടക്കേണ്ടതില്ലെന്നാണ് തീരുമാനം. പൊതുപരിപാടികള്ക്കും വിലക്ക് ഏര്പ്പെടുത്തിയില്ല. എന്നാല് കൂടുതല് ആളുകള് ഒത്തുചേരുന്ന എല്ലാ പരിപാടികളും സൂക്ഷ്മമായി നിരീക്ഷിക്കുമെന്നും ദല്ഹി ദുരന്ത നിവാരണ അതോറിറ്റി അറിയിച്ചിട്ടുണ്ട്.
ദല്ഹിയില് മാസ്ക് ധരിക്കാത്തവര്ക്ക് ഏര്പ്പെടുത്തിയ പിഴ ഏപ്രില് തുടക്കത്തില് പിന്വലിച്ചിരുന്നു. നിലവില് നഗരത്തിലെ വിവിധ ഇടങ്ങളില് പുതിയ കേസുകള് വര്ധിക്കുന്ന സാഹചര്യത്തിലാണ് മാസ്ക് ഉപയോഗം കൂട്ടാന് പിഴ ഉള്പ്പെടെയുള്ള കാര്യങ്ങള് ദുരന്ത നിവാരണ അതോറിറ്റി വീണ്ടും പുനസ്ഥാപിച്ചത്.
