പാലക്കാട്- അക്രമം വ്യാപിക്കാതിരിക്കാന് പാലക്കാട് ജില്ലയില് നിരോധനാജ്ഞ പ്രഖ്യാപിച്ചു. കേരള പോലീസിനെ സഹായിക്കാന് തമിഴുനാട് പോലീസും എത്തിയിട്ടുണ്ട്. കൊലയാളി സംഘത്തെക്കുറിച്ചുള്ള വ്യക്തമായ സൂചനകള് പോലീസിന് ലഭിച്ചു. കൊലയാളികള് സഞ്ചരിച്ച മൂന്നു ബൈക്കുകളില് ഒന്നിന്റെ നമ്പര് കിട്ടി. കൊലയാളി സംഘത്തിലെ ആറ് പ്രതികളെയും വൈകാതെ കസ്റ്റഡിയിലെടുക്കാനാവുമെന്ന പ്രതീക്ഷയിലാണ് പോലീസ്. സംഭവത്തില് പത്ത് എസ് ഡി പി ഐ പ്രവര്ത്തകര് കസ്റ്റഡിയിലാണ്.
അഡീഷണല് ഡി ജി പി വിജയ് സാഖറെ പാലക്കാട് എത്തിയിട്ടുണ്ട്. ഇന്നലെ രാത്രി ഉയര്ന്ന പോലീസ് ഉദ്യാഗസ്ഥരുടെ യോഗം നടന്നിരുന്നു. നിരോധനാജ്ഞ ആരംഭിച്ചതിനാല് കടുത്ത പോലീസ് വിന്യാസമാണ് പാലക്കാട് ജില്ലയില്. ഇന്നലെ കൊല്ലപ്പെട്ട ആര് എസ് എസ് മുന് ശാരീരിക് ശിക്ഷണ് പ്രമുഖ് ശ്രീനിവാസന്റെ പോസ്റ്റുമോര്ട്ടം നടപടികള് ജില്ലാ ആശുപത്രിയില് നടക്കുകയാണ്. തുടര്ന്ന് വിലാപ യാത്രയായി കണ്ണകി നഗര് സ്കൂളിലെത്തിക്കും. പൊതുദര്ശനത്തിന് ശേഷം മൃതദേഹം 2 മണിക്ക് കറുകോടി ശ്മശാനത്തില് സംസ്കരിക്കും.
