കീവ്- ഉക്രൈനിലെ ബോറോദ്യങ്ക മേഖലയില് റഷ്യന് ആക്രമണത്തില് നിന്ന് അത്ഭുതകരമായി രക്ഷപ്പെട്ട ഒരു പൂച്ചയെ ഉക്രൈന് ആഭ്യന്തര മന്ത്രാലയം ദത്തെടുത്തു.
ഉക്രൈനിലെ ആഭ്യന്തര മന്ത്രിയുടെ ഉപദേഷ്ടാവ് ആന്റണ് ഗെരാഷ്ചെങ്കോയാണ് ദത്തെടുക്കലിനെക്കുറിച്ച് ശനിയാഴ്ച അറിയിച്ചത്. തന്റെ രാജ്യം റഷ്യയില്നിന്നുള്ള തീവ്രമായ ആക്രമണത്തില് ആടിയുലയുന്ന ഇരുണ്ട സാഹചര്യങ്ങളുടെ പശ്ചാത്തലത്തിലാണ് ഹൃദയസ്പര്ശിയായ വാര്ത്ത വരുന്നത്.
'ബോറോഡിയങ്കയില്നിന്ന് അതിജീവിച്ച പൂച്ചയെ ഓര്ക്കുന്നുണ്ടോ? അവന് ഇപ്പോള് ആഭ്യന്തര കാര്യ മന്ത്രാലയത്തില് താമസിക്കുന്നു, ഭക്ഷണം നല്കി, കുളിച്ചു, സ്നേഹിക്കുന്നു. എല്ലാ പ്രധാനപ്പെട്ട മീറ്റിഗുകളിലും അവന് പങ്കെടുക്കും, തീര്ച്ചയായും- അദ്ദേഹം ട്വീറ്റ് ചെയ്തു.
കടുത്ത മൃഗസ്നേഹിയായ ജെറാഷ്ചെങ്കോ, തകര്ന്ന കോണ്ക്രീറ്റ് കട്ടകള്ക്കിടയില്നിന്ന് വലിച്ചെടുത്ത പൂച്ചയുടെ ചിത്രങ്ങള് പങ്കുവെച്ചിരുന്നു.
പേരിടാത്ത പൂച്ചയെ ഉക്രൈന് സര്ക്കാര് ദത്തെടുത്തതില് നെറ്റിസണ്സ് ആവേശഭരിതരായപ്പോള്, പൂച്ചയുടെ ഉടമകളെക്കുറിച്ചും അവര്ക്ക് എന്ത് സംഭവിച്ചിരിക്കാമെന്നും ചിലര് ആശ്ചര്യപ്പെട്ടു.
