ന്യൂദല്ഹി- സി.പി.എം പാര്ട്ടി കോണ്ഗ്രസിലെ സെമിനാറില് പങ്കെടുക്കാന് തനിക്ക് വ്യക്തിപരമായി ആഗ്രഹമുണ്ടായിരുന്നെന്ന് കോണ്ഗ്രസ് എം.പി. ശശി തരൂര്. എന്നാല് പാര്ട്ടി പ്രവര്ത്തകന് എന്ന നിലയില് കോണ്ഗ്രസ് അധ്യക്ഷയുടെ നിര്ദേശം താന് അംഗീകരിക്കുകയായിരുന്നു. പാര്ട്ടി കോണ്ഗ്രസില് പങ്കെടുത്ത കെ.വി തോമസിന്റെ നിലപാടിനോട് ഇപ്പോള് പ്രതികരിക്കാനില്ലെന്നും തരൂര് കൂട്ടിച്ചേര്ത്തു.
വിഷയത്തെക്കുറിച്ച് സോണിയാ ഗാന്ധിയോട് ചോദിച്ചു. കെ.പി.സി.സി. അധ്യക്ഷന് എടുത്ത നിലപാട് നമ്മള് അംഗീകരിക്കണമല്ലോ, അതുകൊണ്ട് പോകാതിരിക്കുകയാണ് ഭേദമെന്ന്. അതനുസരിച്ചു. എനിക്ക് വ്യക്തിപരമായി പോകാന് താല്പര്യമുണ്ടെങ്കിലും ഞാന് ഒരു പാര്ട്ടിയുടെ അംഗമായിട്ട് പാര്ട്ടിയുടെ അധ്യക്ഷ പറയുന്നത് ബഹുമാനിക്കുന്നു. അത്രേയുള്ളൂ. കെ.വി. തോമസ് അദ്ദേഹത്തിന്റെ സ്വന്തം തീരുമാനം എടുത്തു. അതേക്കുറിച്ച് അദ്ദേഹം തന്നെ പറയട്ടെ- തരൂര് പറഞ്ഞു.
