തിരുവനന്തപുരം-ഷാഹിദ കമാലിന്റെ വിദ്യാഭ്യാസ യോഗ്യത വ്യാജ രേഖയാണെന്ന് തെളിയിക്കാന് പരാതിക്കാരിക്ക് കഴിഞ്ഞില്ലെന്ന് ലോകായുക്ത. കേസില് പരാതിക്കാര്ക്ക് വിജിലന്സിനെയോ ക്രൈംബ്രാഞ്ചിനെയോ സമീപിക്കാമെന്നും ലോകായുക്ത അറിയിച്ചു. അതേസമയം, ഷാഹിദ കമാലിനെതിരെ ലോകായുക്ത വിമര്ശനം ഉന്നയിച്ചു. വനിത കമ്മീഷന് അംഗമാകുന്നത് മുമ്പ് ഷാഹിദ ചെയ്തത് പൊതു പ്രവര്ത്തകര്ക്ക് ചേരാത്തത്. തെര. മത്സരിച്ചപ്പോള് വ്യാജ വിദ്യാഭ്യാസ യോഗ്യത രേഖപ്പെടുത്തിയത് ചൂണ്ടിക്കാട്ടിയാണ് വിമര്ശനം. ഷാഹിദ കമാല് കമ്മീഷന് അംഗമായ ശേഷമാണ് ഡിലിറ്റ് നേടിയത്. ഇത് വ്യാജമാണെന്ന് തെളിയിക്കാന് പരാതിക്കാര്ക്ക് കഴിഞ്ഞില്ല. തെരെഞ്ഞെടുപ്പില് മത്സരിച്ചപ്പോള് വിദ്യാഭ്യാസ യോഗ്യത തെറ്റായ രേഖപ്പെടുത്തിയെന്ന് ഷാഹിദ കമാലും ലോകായുക്തയില് സമ്മതിച്ചിരുന്നു.
ഡോക്ടറേറ്റ് വ്യാജമെന്നായിരുന്നു ലോകായുക്തയിലെ പരാതി. തെറ്റായ വിദ്യാഭ്യാസ യോഗ്യത തെരെഞ്ഞെടുപ്പിന് നല്കിയ ഷാഹിദ കമാലിന് വനിത കമ്മിഷനംഗമായി തുടരാനാകില്ലെന്നാണ് പരാതിക്കാരിയുടെ വാദം. വനിതാ കമ്മീഷന് അംഗം ഷാഹിദ കമാല് തെരെഞ്ഞെടുപ്പില് മത്സരിക്കാനും വനിതാ കമ്മീഷന് അംഗമാകാനും വ്യാജ വിദ്യാഭ്യാസ യോഗ്യതകള് ഹാജരാക്കിയെന്നാണ് ലോകായുക്തക്ക് മുന്നിലെത്തിയ പരാതി. തെരെഞ്ഞെടുപ്പില് മത്സരിച്ചപ്പോള് വിദ്യാഭ്യാസ യോഗ്യത തെറ്റായിട്ടാണ്ട് രേഖപ്പെടുത്തിയെന്ന് ഷാഹിത ലോകായുക്തയില് സമ്മതിച്ചിരുന്നു.
പരാതിക്കെതിരെ ഷാഹിദ കമാല് നല്കിയ സത്യവാങ്മൂലത്തില് പരസ്പര വിരുദ്ധമായ കാര്യങ്ങളാണ് പറഞ്ഞിരുന്നത്. 2011 തെരഞ്ഞെടുപ്പില് മത്സരിക്കുമ്പോള് ബികോം ബിരുദമുണ്ടെന്ന് തെറ്റായി രേഖപ്പെടുത്തിയെന്ന് ഷാഹിദ കമാല് സത്യവാങ്മൂലത്തില് സമ്മതിച്ചിരുന്നു. 2016ല് അണ്ണാമലൈ സവ്വകലാശാലയില് നിന്നും ബിരുദവും, അതിന് ശേഷം ബിരുദാനന്ദ ബിരുദവും നേടിയെന്നും കോടതിയെ അറിയിച്ചിരുന്നു. കസാഖിസ്ഥാന് ഓപ്പണ് സര്വ്വകലാശാലയില് നിന്നും ഓണററി ഡോക്ടറേറ്റുണ്ടെന്നുമാണ് കോടതിയെ അറിയിച്ചത്.
വനിതാ കമ്മീഷന് അംഗത്തിന്റെ സത്യസന്ധതയും വിശ്വാസ്യതയും തെളിക്കാന് സര്ട്ടിഫിക്കറ്റുകള് ഹാജരാക്കാന് കോടതി നേരത്തെ നിര്ദ്ദേശം നല്കിയിരുന്നു. ഷാഹിദ കമാല് കേരളത്തില് ചെയ്യുന്ന സ്ത്രീ ശാക്തീകരണ പ്രവര്ത്തനങ്ങള് എങ്ങനെ ഖസാഖിസ്ഥാന് സര്വ്വകശാല അറിഞ്ഞുവെന്ന് കോടതി സംശയമാരാഞ്ഞു. കേരളത്തിലുള്ള സര്വ്വകലാശാല പ്രതിനിധി വഴിയാണ് ഡോക്ടറേറ്റ് നേടിയെന്നായിരുന്നു ഷാഹിദയുടെ അഭിഭാഷകന്റെ മറുപടി. വിയറ്റ്നാം സര്വ്വകലാശാലയില് നിന്നും ഷാഹിതക്ക് ഡോക്ടറേറ്റ് ലഭിച്ചുവെന്നാണ് സാമൂഹിത നീതി വകുപ്പ് നേരത്തെ വിവരാവകാശ പ്രകാരം നല്കിയിട്ടുള്ള മറുപടി. എന്നാല് ഖസാഖിസ്ഥാന് സര്വ്വകലാശാലയില് നിന്നും ഓണററി ഡോക്ടറേറ്റ് ലഭിച്ചുവെന്ന് ഷാഹിദ അറിയിച്ചിട്ടുണ്ടെന്നാണ് സര്ക്കാര് കോടതിയെ അറിയിച്ചത്.