Sorry, you need to enable JavaScript to visit this website.

 കേരളത്തില്‍ മിനിമം യാത്രാ നിരക്ക് 10 രൂപ,  ബസ് ചാര്‍ജ് വര്‍ധനയ്ക്ക് എല്‍ഡിഎഫ്  അംഗീകാരം

തിരുവനന്തപുരം- കേരളത്തില്‍ ബസ് ചാര്‍ജ് വര്‍ധനവിന് എല്‍ഡിഎഫ് അംഗീകാരം. മിനിമം ചാര്‍ജ് 8 രൂപയില്‍ നന്ന് 10 രൂപയാക്കിയാണ് വര്‍ധിപ്പിച്ചത്. വിദ്യാര്‍ത്ഥികളുടെ കണ്‍സഷന്‍ നിരക്കില്‍ മാറ്റമില്ല. മിനിമം ചാര്‍ജ് 12 രൂപയാക്കണമെന്നുള്ള ബസുടമകളുടെ ആവശ്യം തള്ളിയാണ് എല്‍ഡിഎഫ് യോഗത്തിന്റെ തീരുമാനം. അതേസമയം കേരളത്തിന്റെ അയല്‍ സംസ്ഥാനങ്ങളായ തമിഴുനാട്ടിലും കര്‍ണാടകയിലും ഇ്‌പ്പോഴും മിനിമം ബസ് ചാര്‍ജ്  അഞ്ചു രൂപയാണ്. പെര്‍ കിലോ മീറ്റര്‍ നിരക്കും കേരളത്തെ അപേക്ഷിച്ച് കേരളത്തില്‍ വളരെ കൂടുതലാണ്. 
മിനിമം നിരക്ക് 12 രൂപയാക്കണം, കിലോമീറ്ററിന് ഒരു രൂപ പത്തു പൈസ വര്‍ധിപ്പിക്കണം, വിദ്യാര്‍ത്ഥികളുടെ നിരക്ക് 6 രൂപയാക്കണം തുടങ്ങിയ ആവശ്യങ്ങളുന്നയിച്ചായിരുന്നു ബസ് ഉടമകള്‍ സമരം നടത്തിയത്. നിരക്ക് വര്‍ധന ഉടന്‍ നടപ്പാക്കുമെന്ന സര്‍ക്കാര്‍ ഉറപ്പില്‍ സ്വകാര്യ ബസ് ഉടമകള്‍ സമരം പിന്‍വലിക്കുകയായിരുന്നു.
 

Latest News