വാര്സോ- അമേരിക്കന് പ്രസിഡന്റ് ജോ ബൈഡന് ഉക്രൈനിലെ ഉന്നതതല ഉദ്യോഗസ്ഥരുമായി കൂടിക്കാഴ്ച നടത്തി. ശനിയാഴ്ച രണ്ട് ഉക്രൈന് മന്ത്രിമാരുമായി വാര്സോയിലാണ് ജോ ബൈഡന് ചര്ച്ച നടത്തിയത്. റഷ്യയുടെ അധിനിവേശം ആരംഭിച്ച ശേഷം ആദ്യമായാണ് അമേരിക്കന് പ്രസിഡന്റ് ഉക്രൈന് സര്ക്കാരുമായി നേരിട്ട് ചര്ച്ച നടത്തുന്നത്.
ഉക്രൈന് വിദേശകാര്യ മന്ത്രി ദിമിട്രോ കുലേബയും പ്രതിരോധ മന്ത്രി ഒലെക്സി റെസ്നിക്കോവും ഉക്രൈനില് നിന്ന് പോളണ്ടിലെത്തിയാണ് അമേരിക്കന് പ്രസിഡന്റ് ജോ ബൈഡനുമായി കൂടിക്കാഴ്ച നടത്തിയത്.
സിറ്റി സെന്ററിലെ മാരിയറ്റ് ഹോട്ടലില് വെച്ചാണ് കൂടിക്കാഴ്ച നടന്നത്. യുദ്ധം ആരംഭിച്ചത് മുതല് ഉക്രൈന് അഭയാര്ഥികളുടെ നിരന്തരമായ പ്രവാഹമുള്ള വാര്സോ ട്രെയിന് സ്റ്റേഷന് എതിര്വശത്താണ് ചര്ച്ച നടന്ന ഹോട്ടല് എന്നത് ശ്രദ്ധേയമാണ്. റഷ്യയുടെ ആക്രമണം ആരംഭിക്കുന്നതിന് രണ്ട് ദിവസം മുമ്പ് ഫെബ്രുവരി 22 ന് വാഷിംഗ്ടണില് വെച്ച് ബൈഡന് കുലേബയെ കണ്ടിരുന്നു.
