തളിപ്പറമ്പ്- നടുറോഡിലുണ്ടായ അപകടത്തില് ഒരു കുട്ടി തലനാരിഴയ്ക്ക് രക്ഷപ്പെടുന്ന ദൃശ്യം സമൂഹ മാധ്യമങ്ങളില് വൈറലായി. കണ്ണൂര് ജില്ലയിലെ തളിപ്പറമ്പിനടുത്ത് ഞായറാഴ്ച വൈകുന്നേരമായിരുന്നു സംഭവം.
വാഹനങ്ങള് കടന്നുപോകുന്ന റോഡിന്റെ അരികില്നിന്ന് സൈക്കിളില് അതിവേഗത്തിലെത്തിയ കുട്ടി, വാഹനങ്ങള്ക്കടിയില്പ്പെടാതെ അത്ഭുതകരമായി രക്ഷപ്പെടുന്നതാണ് സിസിടിവി ദൃശ്യത്തിലുള്ളത്.
ബൈക്കില് ഇടിച്ച ശേഷം കുട്ടിയും സൈക്കിളും റോഡിലേക്ക് തെറിച്ചുവീഴുന്നു. തുടര്ന്ന് പിറകേ വന്ന കെഎസ്ആര്ടിസി ബസ് സൈക്കിളിനു മുകളിലൂടെ കയറിയിറങ്ങുന്നു. എന്നാല് കുട്ടി അത്ഭുതകരമായി ഒരു പോറല് പോലുമേല്ക്കാതെ റോഡിന്റെ മറുവശത്തേക്ക് തെന്നിനീങ്ങുന്നു.
