തിരുവനന്തപുരം- സ്വകാര്യ ബസ് ഉടമകളുടെ സംഘടനകള് 24 മുതല് അനിശ്ചിതകാല സമരം ആഹ്വാനം ചെയ്ത സാഹചര്യത്തില് കെ.എസ്.ആര്.ടി.സി കൂടുതല് സര്വീസ് നടത്തും.
നിലവില് യൂണിറ്റുകളില് ലഭ്യമാക്കിയിട്ടുള്ള മുഴുവന് ബസുകളും സര്വീസ് നടത്തുവാന് സി.എം.ഡി നിര്ദേശം നല്കി. ആശുപത്രികള്, വിമാനത്താവളങ്ങള്, റെയില്വെ സ്റ്റേഷനുകള് എന്നിവിടങ്ങളിലേക്ക് ആവശ്യാനുസരണം സര്വീസ് നടത്തും.
യാത്രക്കാരുടെ തിരക്ക് അനുസരിച്ച് അഡീഷണല് ട്രിപ്പുകള് നടത്തേണ്ടി വരുന്നതിനാല് ഈ ദിവസങ്ങളില് ഓപ്പറേറ്റിംഗ് വിഭാഗം ജീവനക്കാരുടെ അവധികള്ക്ക് നിയന്ത്രണം ഏര്പ്പെടുത്തി. കാര്യക്ഷമമായി ബസ് പരിശോധന നടത്താനും യാത്രക്കാര്ക്ക് സൗകര്യപ്രദമായി യൂണിറ്റ് അധികാരികള് ഷെഡ്യൂളുകള് ക്രമീകരിക്കാനും നിര്ദേശം നല്കിയിട്ടുണ്ട്.
