ചണ്ഡിഗഢ്- പഞ്ചാബില്‍ മികച്ച വിജയം നേടുമെന്ന ആത്മവിശ്വാസത്തിലാണ് ആം ആദ്മി മുഖ്യമന്ത്രി സ്ഥാനാര്‍ഥി ഭഗവന്ത് മാന്‍. മുഖ്യമന്ത്രിപദം നേടിയാലും തലക്കനം വരാതെ നോക്കുമെന്നു ഭഗവന്ത് പറഞ്ഞു.
സി.എം എന്ന വാക്കിന് കോമണ്‍ മാന്‍ എന്നാണ് അര്‍ഥം. എന്റെ ജീവിതത്തില്‍ എല്ലാ കാലവും പ്രശസ്തി പിന്നാലെ ഉണ്ടായിരുന്നു. അതിലൊന്നും ഞാന്‍ വീഴുകയില്ല. ജനങ്ങളുടെ ഒപ്പം ജനങ്ങള്‍ക്ക് വേണ്ടി പ്രവര്‍ത്തിക്കും. മുഖ്യമന്ത്രിയായാല്‍ തന്നെയും ജനങ്ങളെ വിട്ടൊഴിഞ്ഞു നില്‍ക്കില്ല. കാരണം ഇതൊന്നും പുതിയ അനുഭവമല്ല- മാന്‍ പറഞ്ഞു.
ആം ആദ്മി പാര്‍ട്ടിക്ക് 62-100 സീറ്റാണ് എക്‌സിറ്റ് പോളില്‍ വിവിധ ഏജന്‍സികള്‍ പ്രവചിക്കുന്നത്. ഭൂരിപക്ഷത്തിനു വേണ്ടത് 59 സീറ്റാണ്.
