മോസ്കോ- ഉക്രൈനില് താത്ക്കാലിക വെടിനിര്ത്തല് പ്രഖ്യാപിച്ച് റഷ്യ. മാനുഷിക ഇടനാഴിക്ക് വേണ്ടിയാണ് താത്ക്കാലികമായി വെടിനിര്ത്തല് പ്രഖ്യാപിച്ചതെന്ന് റഷ്യന് മാധ്യമമായ ടാസ് റിപ്പോര്ട്ട് ചെയ്തു. മാനുഷിക ഇടനാഴിയിലൂടെ റഷ്യയിലേക്കും അയല്രാജ്യങ്ങളിലേക്കും വിദേശികള്ക്ക് നീങ്ങാം. ഇന്ത്യയുള്പ്പെടെയുള്ള രാജ്യങ്ങളുടെ സമ്മര്ദത്തെ തുടര്ന്നാണ് റഷ്യ വെടിനിര്ത്തല് പ്രഖ്യാപിച്ചത്. യുദ്ധം തുടങ്ങി പത്താം ദിവസമാണ് റഷ്യയുടെ പ്രഖ്യാപനം. ഉക്രൈനിലെ വിദേശ വിദ്യാര്ത്ഥികള്ക്ക് സുരക്ഷിത കേന്ദ്രങ്ങളിലേക്ക് മാറാന് അവസരമെന്നും റഷ്യ അറിയിച്ചു.അഞ്ചര മണിക്കൂര് നേരത്തേക്കാണ് വെടിനിര്ത്തല് പ്രഖ്യാപിച്ചിരിക്കുന്നത്. ഇതോടെ സുമിയില് കുടുങ്ങിയ മലയാളികള് അടക്കമുള്ള ഇന്ത്യന് വിദ്യാര്ത്ഥികളെ തിരിച്ചെത്തിക്കുന്നതില് പ്രതിസന്ധി താത്ക്കാലികമായി ഒഴിഞ്ഞിരിക്കുകയാണ്.
