കീവ്-പോരാട്ടം തുടരുന്ന ഉക്രൈന് ലോകത്തിന് മുന്നില് പുതിയ ആവശ്യം മുന്നോട്ടു വെച്ചു. റഷ്യയില് നിന്ന് ലോക രാജ്യങ്ങള് എണ്ണയും ഗ്യാസും വാങ്ങരുതെന്നാണ് ഉക്രൈന്റെ അഭ്യര്ത്ഥന. സാധാരണക്കാരായ ജനങ്ങളുടെ ചോരയാണ് റഷ്യ ഉറ്റുനോക്കുന്നതെന്നും എണ്ണയും ഗ്യാസും വാങ്ങുന്നത് റഷ്യയെ പ്രോത്സാഹിപ്പിക്കുന്നതിന് തുല്യമാണെന്നും യുക്രൈന് അഭിപ്രായപ്പെട്ടു.
ഉക്രൈനില് യുദ്ധം തുടരുന്നതിനിടെ ഒരു വശത്ത് സമാധാന ചര്ച്ചകളും തുടരുകയാണ്. റഷ്യ-ഉക്രൈന് യുദ്ധം ചര്ച്ചയിലൂടെ പരിഹരിക്കാനുള്ള ശ്രമങ്ങളാണ് നടക്കുന്നത്. ബെലൂറസില് റഷ്യ-ഉക്രൈന് രാജ്യങ്ങളിലെ പ്രതിനിധി സംഘങ്ങളാണ് ചര്ച്ചയില് പങ്കെടുക്കുന്നത്. ഉപാധികളില്ലാത്ത ചര്ച്ചയാണെന്നാണ് റഷ്യയുടെ പ്രതികരണം. ഇപ്പോഴത്തെ ചര്ച്ചയില് പ്രതീക്ഷയില്ലെന്നാണ് ഉക്രൈന് പ്രസിഡന്റ് സെലന്സ്കി പ്രതികരിച്ചത്. ഒരു ശ്രമം നടത്താമെന്ന ചിന്ത മാത്രമേയുള്ളൂ, താന് ശ്രമിച്ചില്ലെന്ന് ഉക്രൈന് ജനത കുറ്റപ്പെടുത്തരുത്', അതിനാലാണ് വഴങ്ങിയതെന്നും സെലന്സ്കി പ്രതികരിച്ചിരുന്നു. യു എന് രക്ഷാസമിതിയും വിഷയം ചര്ച്ച ചെയ്യാന് അടിയന്തര യോഗം വിളിച്ചിട്ടുണ്ട്. അമേരിക്കന് സമയം ഇന്ന് ഉച്ചയ്ക്ക് പതിനൊന്ന് മണിയോടെയാകും യോഗം ചേരുകയെന്നാണ് റിപ്പോര്ട്ടുകള്. ഫ്രഞ്ച് പ്രസിഡന്റ് ഇമ്മാനുവല് മക്രോണിന്റെ അഭ്യര്ത്ഥന പ്രകാരമാണ് യോഗം ചേരുന്നത്.