ന്യൂദൽഹി- വിദേശരാജ്യങ്ങളിൽനിന്ന് എത്തുന്നവരുടെ ഏഴു ദിവസത്തെ ക്വാറന്റീൻ കേന്ദ്ര ആരോഗ്യമന്ത്രാലയം ഒഴിവാക്കി. പകരം പതിനാല് ദിവസത്തെ സ്വയം നിരീക്ഷണം ഏർപ്പെടുത്തി. കോവിഡ് മാർഗനിർദ്ദേശങ്ങൾ പരിഷ്കരിച്ചാണ് തീരുമാനം. സ്വയം നിരീക്ഷണത്തിൽ കഴിയുന്നവർ രോഗലക്ഷണങ്ങളുണ്ടായാൽ ഉടൻ ആരോഗ്യപ്രവർത്തകരുമായി ബന്ധപ്പെടണമെന്നും നിർദ്ദേശത്തിൽ പറയുന്നു. ഈ മാസം പതിനാല് മുതൽ പുതിയ മാർഗനിർദ്ദേശങ്ങൾ പ്രാബല്യത്തിൽ വരും.