കണ്ണൂര്- കണ്ണൂരില് വാഹനാപകടത്തില് മൂന്ന് മരണം. ചാല ബൈപ്പാസില് ടിപ്പര് ലോറിയും ഓമ്നി വാനും കൂട്ടിയിടിച്ചാണ് അപകടം. പുലര്ച്ചെ അഞ്ചരയ്ക്കാണ് സംഭവം. നടാല് ബൈപ്പാസിന് അരികില് നിര്ത്തിയിട്ട ടിപ്പര് ലോറിക്കു പിന്നില് കണ്ണൂര് ഭാഗത്തേക്കു പോകുകയായിരുന്ന ഓമ്നി വാന് ഇടിക്കുകയായിരുന്നു. തമിഴ്നാട് തെങ്കാശി സ്വദേശികളായ രാമര് (35), ചെല്ല ദുരൈ (45), കുത്താലിംഗം (70) എന്നിവരാണു മരിച്ചത്. അഗ്നിശമന സേന എത്തിയാണു മൃതദേഹങ്ങള് പുറത്തെടുത്തത്. മൃതദേഹങ്ങള് ജില്ലാ ആശുപത്രിയിലേക്ക് മാറ്റി.
