കൊച്ചി- അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് ശബ്ദപരിശോധന നടത്താന് നടന് ദിലീപ് കാക്കനാട് ചിത്രാഞ്ജലി സ്റ്റുഡിയോയില് എത്തി. അനൂപിന്റെയും സുരാജിന്റെയും ശബ്ദ പരിശോധനയും നടക്കും. ക്രൈംബ്രാഞ്ച് പോലീസും സ്റ്റുഡിയോയിലെത്തി. ബാലചന്ദ്രകുമാര് ഹാജരാക്കിയ സംഭാഷണത്തിലെ ശബ്ദം പ്രതികളുടേത് തന്നെയാണെന്ന് ശാസ്ത്രീയമായി ഉറപ്പിക്കുന്നതിനാണ് ശബ്ദ പരിശോധന നടത്തുന്നത്. ഇതിനിടെ മുന്കൂര് ജാമ്യം ലഭിച്ച പശ്ചാത്തലത്തില് അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസ് റദ്ദാക്കാന് ദിലീപ് നീക്കം തുടങ്ങി. ഇന്നോ നാളെയോ ആയി ഹൈക്കോടതിയില് ഹരജി നല്കുമെന്നാണ് വ്യക്തമാകുന്നത്.
അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയതിന് തെളിവില്ലെന്ന് വ്യക്തമാക്കിയാണ് കേസില് നടന് ദിലീപിനും കൂട്ട് പ്രതികള്ക്കും ഹൈക്കോടതി മുന്കൂര് ജാമ്യം അനുവദിച്ചത്. പ്രതികള് തുടര് അന്വേഷണവുമായി സഹകരിച്ചില്ലെങ്കില് അറസ്റ്റ് ആവശ്യവുമായി കോടതിയെ സമീപിക്കാമെന്നും ഉത്തരവിലുണ്ട്.
