കോഴിക്കോട്- മാർക്‌സിസത്തെ പറ്റി താൻ പറഞ്ഞതായി പ്രചരിക്കുന്ന പോസ്റ്റർ വ്യാജമാണെന്ന് നടൻ ജോയ് മാത്യു.
മാർക്‌സിസത്തെക്കുറിച്ചു ഞാൻ പറഞ്ഞതായി ഏതോ തിരുമണ്ടൻ സൃഷ്ടിച്ച ഒരു ചരക്കാണ് അതെന്നും ചരിത്ര ബോധമുള്ള ആരും അത് പറയില്ലെന്നും ജോയ് മാത്യു വ്യക്തമാക്കി. മാർക്‌സിസം ഒരു ഫിലോസഫിയാണ്;ഒരു ജീവിത വീക്ഷണമാണത് .പ്രയോഗിക്കുന്ന കാര്യത്തിൽ പാളിച്ചകൾ പറ്റാം. പക്ഷേ അതിനേക്കാൾ മികച്ച ഒരു തത്വശാസ്ത്രം എന്റെ അറിവിൽ ഇതുവരെ ഉണ്ടായിട്ടില്ല. ജീവിച്ചിരിക്കുന്നവർ മരിച്ചുപോയെന്ന് പ്രചരിപ്പിക്കാൻ പോലും മടിക്കാത്തവർ
പറയാത്തത് പറഞ്ഞെന്ന് പ്രചരിപ്പിക്കാനും മടികാണിക്കില്ലല്ലോ. നിങ്ങൾക്ക് തോന്നിയത് പ്രചരിപ്പിക്കാൻ സ്വാതന്ത്ര്യമുണ്ട്. പക്ഷേ അത് എന്റെ ചെലവിൽ വേണ്ട എന്നും ജോയ് മാത്യു പറഞ്ഞു.
