കട്ടപ്പന- ഇടുക്കി എന്ജിനിയറിങ് കോളേജിലെ എസ്.എഫ്.ഐ പ്രവര്ത്തകന് ധീരജിനെ കുത്തിക്കൊലപ്പെടുത്തിയ കേസില് ഒരാള്കൂടി പോലീസ് പിടിയില്. യൂത്ത് കോണ്ഗ്രസ് ഇടുക്കി ജില്ലാ ജനറല് സെക്രട്ടറിയും കഞ്ഞിക്കുഴി പഞ്ചായത്ത് അംഗവുമായ സോയിമോന് സണ്ണി(25)യെ ആണ് അറസ്റ്റ് ചെയ്തത്. കേസില് ആറാം പ്രതിയാണ് ഇയാള്. ഇതോടെ കേസില് പിടിയിലായവരുടെ എണ്ണം ഏഴായി.
ഒന്നാംപ്രതി യൂത്ത് കോണ്ഗ്രസ് വാഴത്തോപ്പ് മണ്ഡലം പ്രസിഡന്റ് നിഖില് പൈലി, ഇടുക്കി നിയോജകമണ്ഡലം വൈസ് പ്രസിഡന്റ് ജെറിന് ജോജോ, കെഎസ്യു ഇടുക്കി ജില്ലാ ജനറല് സെക്രട്ടറി നിതിന് ലൂക്കോസ്, ജില്ലാ സെക്രട്ടറി ജിതിന് ഉപ്പുമാക്കല്, ഇടുക്കി നിയോജക മണ്ഡലം പ്രസിഡന്റ് ടോണി തേക്കിലക്കാട്ട്, യൂത്ത് കോണ്ഗ്രസ് സജീവ പ്രവര്ത്തകനായ ജസിന് ജോയി എന്നിവരാണ് നേരത്തെ പിടിയിലായത്.
