കൊച്ചി/ കോഴിക്കോട്- കൊവിഡ് പ്രോട്ടോക്കോള് ലംഘിച്ച് നടത്തിയ ബിജെപി പരിപാടികള്ക്കെതിരെ പോലീസ് കേസെടുത്തു. പെരുമ്പാവൂരില് നടത്തിയ ജനകീയ പ്രതിരോധ പരിപാടിക്കെതിരെയും കോഴിക്കോട് മുതലക്കുളം മൈതാനത്ത് നടത്തിയ പരിപാടിക്കെതിരെയുമാണ് കേരള പൊലീസ് കേസെടുത്തിരിക്കുന്നത്. കോഴിക്കോട്ട് കണ്ടാലറിയുന്ന ആയിരത്തിയഞ്ഞൂറ് പേര്ക്കെതിരെയാണ് കസബ പോലീസ് കേസെടുത്തിരിക്കുന്നത്.കോഴിക്കോട് നഗരമധ്യത്തിലാണ് ബിജെപി പൊതുയോഗം സംഘടിപ്പിച്ചത്. പോപ്പുലര് ഫ്രണ്ടിനെതിരെ ജനകീയ പ്രതിരോധമെന്ന പേരില് സംഘടിപ്പിച്ച പൊതുയോഗത്തില് ജില്ലയിലെ വിവിധയിടങ്ങളില് നിന്നായി ആയിരക്കണക്കിനാളുകളാണ് പങ്കെടുത്തത്. ബിജെപി സംസ്ഥാന അധ്യക്ഷന് കെ സുരേന്ദ്രനാണ് പരിപാടി ഉദ്ഘാടനം ചെയ്തത്. 1643 പേര്ക്ക് േെകാവിഡ് സ്ഥിരീകരിച്ച കോഴിക്കോട് ജില്ലയില് ഇന്ന് മുപ്പത് ശതമാനത്തിലധികമാണ് ടിപിആര്. എറണാകുളം പെരുമ്പാവൂരിലും നിയന്ത്രണം ലംഘിച്ചാണ് ബിജെപി പ്രകടനം നടത്തിയത്. പ്രകടനത്തില് അഞ്ഞൂറിലധികം ആളുകള് പങ്കെടുത്തു. പോപ്പുലര് ഫ്രണ്ടിനെതിരെ ബിജെപി നടത്തുന്ന ജനജാഗ്രതാ സദസ്സ് ആയിരുന്നു പരിപാടി. ആലപ്പുഴ കൊലപാതകത്തിന് എതിരെ ബിജെപി എറണാകുളം ജില്ലാ കമ്മിറ്റി നടത്തി പരിപാടിയിലാണ് 500ലേറെ പങ്കെടുത്തത്. നിലവില് 50 പേര്ക്ക് മാത്രമാണ് അനുമതി. പെരുമ്പാവൂര് മുന്സിപ്പല് സ്റ്റേഡിയത്തില് നടന്ന പരിപാടിയിലാണ് നിയന്ത്രണം ലംഘിച്ചത്.
തുടര്ച്ചയായ മൂന്നാം ദിവസവും എറണാകുളം ജില്ലയില് ടെസ്റ്റ് പോസിറ്റിവിറ്റി നിരക്ക് മുപ്പതിന് മുകളില് ആയതോടെ കൂടുതല് നിയന്ത്രണങ്ങള് !ര്പ്പെടുത്തിയിരുന്നു. പൊതുപരിപാടികള് ദുരന്ത നിവാരണ അതോറിറ്റി വിലക്കേര്പ്പെടുത്തിയിട്ടുണ്ട്. മതപരമായ ചടങ്ങുകള്ക്കും ഇത് ബാധകമാണ്. 36.87 ആണ് ഇന്ന് ജില്ലയിലെ ടിപിആര്. 3204 പേര്ക്കാണ് ഇന്ന് പുതുതായി രോഗം സ്ഥിരീകരിച്ചത്.
