ആലുവ- വിവാദങ്ങള്ക്കിടെ ആലുവ സി ഐ സൈജു കെ പോള് അവധിയില് പ്രവേശിച്ചു. ആരോഗ്യ കാരണങ്ങളാലാണ് അവധിയെന്നാണ് വിശദീകരണം. കോണ്ഗ്രസ് പ്രവര്ത്തകര്ക്കെതിരായ തീവ്രവാദ ആരോപണ വിവാദത്തിന് പിറകെയാണ് അവധി. അതേസമയം മോഫിയയുടെ ആത്മഹത്യയുമായി ബന്ധപ്പെട്ട് പ്രതിഷേധക്കാരുടെ കസ്റ്റഡി അപേക്ഷയില് തീവ്രവാദ ബന്ധ പരാമര്ശം നടത്തിയതിന് രണ്ട് പോലീസ് ഉദ്യോഗസ്ഥരെ സസ്പെന്ഡ് ചെയ്തിരുന്നു. ആലുവ സ്റ്റേഷനിലെ എസ്.ഐമാരായ ആര്.വിനോദ്, രാജേഷ് എന്നിവരെയാണ് സസ്പെന്ഡ് ചെയ്തത്. ആലുവ എം എല് എ അന്വര് സാദത്തിന്റെ പരാതിയിലാണ് പോലീസുകാര്ക്കെതിരെ നടപടിയെടുത്തത്. മോഫിയ പര്വീന്റെ ആത്മഹത്യയില് സമരം ചെയ്ത പ്രാദേശിക കോണ്ഗ്രസ് നേതാക്കള്ക്ക് തീവ്രവാദ ബന്ധം സംശയിക്കുന്നുവെന്ന് പോലീസ് കോടതിയില് നല്കിയ റിപ്പോര്ട്ടില് പരമാ!ര്ശിച്ചത് വലിയ വിവാദങ്ങള്ക്ക് വഴിവച്ചിരുന്നു.സമരവുമായി ബന്ധപ്പെട്ട് പൊതുമുതല് നശിപ്പിച്ച കുറ്റത്തിന് അറസ്റ്റ് ചെയ്ത അല് അമീന്,അനസ്, നജീബ് എന്നിവരെ കസ്റ്റഡിയില് ആവശ്യപ്പെട്ട് കോടതിക്ക് നല്കിയ റിപ്പോര്ട്ടിലാണ് പോലീസിന്റെ ഭാഗത്തുനിന്ന് വിവാദ പരാമര്ശമുണ്ടായത്.
