റിയാദ് - തലസ്ഥാന നഗരിയില് ബാലിസ്റ്റിക് മിസൈല് ആക്രമണം നടത്താനുള്ള ഹൂത്തി മിലീഷ്യകളുടെ ശ്രമം സൗദി സൈന്യം വിഫലമാക്കിയതായി സഖ്യസേന അറിയിച്ചു.
ഇന്നലെ രാത്രിയാണ് റിയാദ് ലക്ഷ്യമിട്ട് ഹൂത്തികള് ബാലിസ്റ്റിക് മിസൈല് തൊടുത്തത്. ലക്ഷ്യസ്ഥാനത്തെത്തുന്നതിനു മുമ്പായി സൗദി സൈന്യം പാട്രിയറ്റ് മിസൈലുകള് ഉപയോഗിച്ച് മിസൈല് തകര്ക്കുകയായിരുന്നു. ഇതിന്റെ ദൃശ്യങ്ങള് അടങ്ങിയ വീഡിയോ ദൃക്സാക്ഷികള് ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു.
