ജോഹന്നസ്ബര്ഗ്- ദക്ഷിണാഫ്രിക്കയില് കോവിഡ് ബാധിച്ച് ആശുപത്രിയില് പ്രവേശിക്കപ്പെടുന്ന കുട്ടികളുടെ എണ്ണത്തില് വര്ധന. ഒമിക്രോണ് സ്ഥിരീകരിച്ച് ആശുപത്രിയില് പ്രവേശിപ്പിക്കുന്ന ആകെ ആളുകളുടെ പത്ത് ശതമാനവും അഞ്ച് വയസ്സിന് താഴെയുള്ള കുട്ടികളാണെന്ന് ദക്ഷിണാഫ്രിക്കന് ആരോഗ്യവിഭാഗം ഉദ്യോഗസ്ഥര് പറയുന്നു.
12 വയസ്സിന് താഴെയുള്ള കുട്ടികള്ക്ക് വാക്സിന് സ്വീകരിക്കാന് അര്ഹത ഇല്ലാത്തതാണ് കുട്ടികളിലെ കോവിഡ് നിരക്കില് വര്ധനവുണ്ടാവുന്നതിന് ഒരു കാരണമായി ചൂണ്ടിക്കാട്ടപ്പെടുന്നത്. കോവിഡിന്റെ കഴിഞ്ഞ മൂന്ന് തരംഗത്തേക്കാളും അതിവ്യാപനശേഷിയാണ് ഈ വകഭേദത്തിനുള്ളത് എന്നാണ് ആരോഗ്യവിദഗ്ധരും വിലയിരുത്തുന്നത്.
10-14 വയസ് പ്രായമുള്ള കുട്ടികളിലെ ഉയര്ന്ന പോസിറ്റിവിറ്റി നിരക്കിനൊപ്പം അഞ്ച് വയസ്സിന് താഴെയുള്ള കുട്ടികളില് ആശുപത്രി പ്രവേശം വര്ധിക്കുന്നതായാണ് ശാസ്ത്രജ്ഞരും ആരോഗ്യ പ്രവര്ത്തകരും പറയുന്നത്. ആശുപത്രിയില് പ്രവേശിപ്പിക്കുന്നവരുടെ എണ്ണത്തില് രണ്ടാമതാണ് അഞ്ച് വയസ്സില് താഴെയുള്ള കുട്ടികള്. 6 വയസ്സിന് മുകളില് പ്രായമുള്ളവരാണ് ആദ്യ വിഭാഗം എന്ന് നാഷണല് ഇന്സ്റ്റിറ്റ്യൂട്ട് ഓഫ് കമ്മ്യൂണിക്കബിള് ഡിസീസില് നിന്നുള്ള ഗവേഷക വസീല ജസത് പറഞ്ഞു.