തിരുവല്ല- ഡിവൈഎഫ്ഐ നേതാവിനെ പാര്ട്ടിയില് നിന്ന് പുറത്താക്കാന് തീരുമാനിച്ച് സിപിഐഎം. സിപിഐഎം പ്രവര്ത്തകയുടെ ദൃശ്യങ്ങള് പകര്ത്തി പ്രചരിപ്പിച്ച നാസറിനെതിരെയാണ് നടപടി. സിപിഐഎം കാന്ഡിഡേറ്റ് അംഗവും ഡിവൈഎഫ്ഐ യൂണിറ്റ് സെക്രട്ടറിയുമാണ് രണ്ടാം പ്രതിയായ നാസര്. ഇന്നലെ ചേര്ന്ന സിപിഐഎം പത്തനംതീട്ട സിപിഐഎം ജില്ലാ സെക്രട്ടേറിയറ്റിലാണ് തീരുമാനം. സംഭവത്തില് പാര്ട്ടി തല അന്വേഷണം നടത്താനും സിപിഐഎം തീരുമാനിച്ചു. കേസില്, തിരുവല്ല കോടാലി ബ്രാഞ്ച് സെക്രട്ടറി സി സി സജിമോനാണ് മുഖ്യപ്രതി. ഇയാള്ക്കെതിരെ നടപടിയെടുത്തിട്ടില്ല. ഒരുവര്ഷം മുമ്പാണ് കേസിനാസ്പദമായ സംഭവം നടന്നത്. കാറില് വച്ച് യുവതിക്ക് ജ്യൂസ് നല്കി മയക്കി പീഡിപ്പിച്ച് നഗ്നചിത്രം പകര്ത്തുകയായിരുന്നു. സംഭവത്തിന് പിന്നാലെ യുവതിയോട് പ്രതികള് രണ്ടുലക്ഷം ആവശ്യപ്പെട്ട് നിരന്തരം ബന്ധപ്പെട്ടു. സംഭവത്തില് സജിമോന്, നാസര് എന്നിവരുള്പ്പെടെ 12 പേര്ക്കെതിരെയാണ് പോലീസ് കേസ്.
