കൊച്ചി- കൊട്ടിയൂര് പീഡനക്കേസില് ശിക്ഷിക്കപ്പെട്ട ഫാദര് റോബിന് വടക്കുംചേരിയ്ക്ക് ശിക്ഷയില് ഇളവ് നല്കി ഹൈക്കോടതി. 20 വര്ഷം തടവ് എന്നത് 10 വര്ഷമായി കുറച്ചു.
വടക്കുംചേരിയുടെ ഹരജി പരിഗണിച്ചാണ് കോടതി നടപടി. അതേസമയം പോക്സോ വകുപ്പും ബലാത്സംഗ വകുപ്പും നിലനില്ക്കുമെന്ന് കോടതി അറിയിച്ചു.
2016 ലായിരുന്നു കേസിനാസ്പദമായ സംഭവം. കൊട്ടിയൂര് നീണ്ടുനോക്കി സെന്റ് സെബാസ്റ്റ്യന്സ് പള്ളി വികാരി ആയിരുന്ന റോബിന് വടക്കുംചേരി പള്ളിമേടയില് വെച്ച് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയെന്നാണ് കേസ്.
കേസില് 2019 ല് തലശ്ശേരി പോക്സോ കോടതി വടക്കുംചേരി കുറ്റക്കാരനാണെന്ന് കണ്ടെത്തിയിരുന്നു. മൂന്ന് കേസുകളിലായാണ് 20 വര്ഷം വീതം കോടതി ശിക്ഷ വിധിച്ചത്.
കേസിലെ മറ്റ് ആറ് പ്രതികളെ കോടതി നേരത്തെ വെറുതെ വിട്ടിരുന്നു. ഇവര്ക്കെതിരെയുള്ള കുറ്റങ്ങള് തെളിയിക്കാനായില്ലെന്ന് കാണിച്ചാണ് ഇവരെ വെറുതെ വിട്ടത്.
