ന്യൂയോര്ക്ക്- കോവിഡിന്റെ പുതിയ വകഭേദമായ ഒമിക്രോണ് ആശങ്കക്കുള്ള കാരണമാണെങ്കിലും പരിഭ്രാന്തിക്കുള്ള കാരണമല്ലെന്ന് യു.എസ് പ്രസിഡന്റ് ജോ ബെഡന്. ആളുകള് വാക്സിന് എടുക്കുകയും മാസ്ക് ധരിക്കുകയും ചെയ്യുകയാണെങ്കില് ഇപ്പോള് ലോക്ഡൗണിന്റെ ആവശ്യമില്ലെന്നും അദ്ദേഹം കൂട്ടിച്ചേര്ത്തു.
ദക്ഷിണാഫ്രിക്കയില് ആദ്യമായി കണ്ടെത്തിയ ഒമിക്രോണ് വകഭേദം വടക്കേ അമേരിക്കയിലും സ്ഥിരീകരിച്ചതിന് പിന്നാലെയായിരുന്നു ബൈഡന്റെ പ്രതികരണം. ഒമിക്രോണ് ഭീഷണിയുടെ പശ്ചാത്തലത്തില് ഉന്നത ആരോഗ്യ ഉദ്യോഗസ്ഥര് വാക്സിന് നിര്മാതാക്കളുമായി കൂടിയാലോചനകള് നടത്തിവരുന്നുണ്ടെന്നും ബൈഡന് അറിയിച്ചു.
ഇതിനിടെ യു.എസിന്റെ അയല്രാജ്യമായ കാനഡയില് രണ്ടു പേരില് ഒമിക്രോണ് വകഭേദം സ്ഥിരീകരിച്ചിട്ടുണ്ട്. അടുത്തിടെ നൈജീരിയയില്നിന്നെത്തിയവരാണ് ഇവര്. ദക്ഷിണാഫ്രിക്കക്കും മറ്റ് ഏഴ് രാജ്യങ്ങള്ക്കും യു.എസ് ഏര്പ്പെടുത്തിയ യാത്രാ വിലക്ക് തിങ്കളാഴ്ച മുതല് പ്രാബല്യത്തില് വന്നു. ആളുകള്ക്ക് വാക്സിനേഷനുള്ള സമയം അനുവദിക്കുക എന്നതാണ് യാത്രാ നിയന്ത്രണത്തിലൂടെ ലക്ഷ്യമിടുന്നതെന്ന് ബൈഡന് പറഞ്ഞു.
