മൂന്നാർ- വെബ് സീരീസ് നിർമാണ കമ്പനി ബിൽ തുക നൽകാത്തതിനെ തുടർന്ന് സിനിമാ താരം കാളിദാസ് ജയറാം അടക്കമുള്ളവരെ മൂന്നാറിലെ ഹോട്ടലിൽ തടഞ്ഞുവച്ചു. ഒരു ലക്ഷം രൂപയിലധികം മുറി വാടകയും റസ്റ്ററന്റ് ബില്ലും നൽകാത്തതിനെ തുടർന്നാണ് സംഭവം.
തമിഴ് വെബ് സീരീസിന്റെ ഷൂട്ടിങ്ങിനാണ് സംഘം മൂന്നാറിലെത്തിയത്. പോലീസ് എത്തിയാണ് പ്രശ്നം പരിഹരിച്ചത്. പൊലീസ് എത്തുന്നതിന് മുമ്പേ കാളിദാസ് ഹോട്ടൽ വിട്ടിരുന്നു. ചർച്ചക്കൊടുവിൽ നിർമാണ കമ്പനി പണം അടച്ചതോടെയാണ് പ്രശ്നം പരിഹരിച്ചത്.
