മാഹി- മറ്റ് ബിജെപി ഭരണ സംസ്ഥാനങ്ങളുടെ ചുവട് പിടിച്ച് പുതുച്ചേരിയിലും ഇന്ധനനികുതി കുറച്ചു. 7 രൂപയാണ് പെട്രോളിന്റെയും ഡീസലിന്റെയും മൂല്യ വര്ധിത നികുതിയില് കുറവ് വരുത്തിയത്. ഇതോടെ മാഹിയിലെ പെട്രോള് വില 92.52 ആയി.
നിലവില് 23 ശതമാനമാണ് പുതുച്ചേരിയിലെ വാറ്റ് നിരക്ക്. 7 രൂപ കുറച്ചതോടെ ഇത് 14.55 ശതമാനമായി. കാരയ്ക്കലില് പെട്രോള് വില 107.52ല് നിന്നും 94.69 ആവും. മാഹിയില് 92.52 ആയും പെട്രോള് വില കുറയും. 104 രൂപയ്ക്ക് മുകളിലാണ് മാഹിയോട് ചേര്ന്ന് കിടക്കുന്ന കേരളത്തിലെ വടകര, തലശേരി പ്രദേശങ്ങളിലെ പെട്രോള് വില.
