ഹൂസ്റ്റണ്- യു.എസിലെ ഹൂസ്റ്റണില് ഉണ്ടായ വാഹനാപകടത്തില് മലയാളി കോളജ് വിദ്യാര്ഥി മരിച്ചു. ഹൂസ്റ്റണ് കമ്മ്യൂണിറ്റി കോളേജ് വിദ്യാര്ഥിയായ ജസ്റ്റിന് വര്ഗീസ് (19) ആണ് മരിച്ചത്.
ഒക്ടോബര് 29ന് സ്റ്റാഫോഡ് മര്ഫി റോഡ് അവന്യൂവിന് സമീപമാണ് സംഭവം. ജസ്റ്റിന് ഓടിച്ചിരുന്ന വാഹനത്തിന് പുറകില് മറ്റൊരു വാഹനം ഇടിച്ചാണ് അപകടമുണ്ടായത്. നാലു വാഹനങ്ങളാണ് ഒരേസമയം അപകടത്തില്പെട്ടത്. ഗുരുതരമായി പരിക്കേറ്റ ജസ്റ്റിന് സംഭവ സ്ഥലത്തു തന്നെ മരിച്ചു.
കൊടുന്തറ സുനില് വര്ഗീസ്-ഗീത ദമ്പതികളുടെ മകനാണ് ജസ്റ്റിന് വര്ഗീസ്. സഹോദരങ്ങള്: ജേമി, ജീന.
