പാലക്കാട്- ഒറ്റപ്പാലത്ത് ഒമ്പതു വയസ്സുകാരിയെ പീഡിപ്പിച്ച കേസില്‍ അറുപത്തെട്ടുകാരനായ പ്രതിക്ക് ആറു വര്‍ഷം തടവും അന്‍പതിനായിരം രൂപ പിഴയും ശിക്ഷ വിധിച്ചു. പട്ടാമ്പി പോക്‌സോ കോടതിയാണ് ശിക്ഷ വിധിച്ചത്. ഒറ്റപ്പാലം കണ്ണമംഗലം സ്വദേശി രാമചന്ദ്രനെയാണ് കോടതി ശിക്ഷിച്ചത്.
പിഴ തുക പെണ്‍കുട്ടി്ക്ക് നല്‍കണമെന്നു കോടതി നിര്‍ദ്ദേശിച്ചു. അന്‍പതിനായിരം രൂപ പിഴ അടച്ചില്ലെങ്കില്‍ ഒരു വര്‍ഷം അധിക തടവ് അനുഭവി്ക്കണം.
2020 ലാണ് കേസിനാസ്പദമായ സംഭവം. സ്‌കൂളില്‍ പോവുകയായിരുന്ന വിദ്യാര്‍ഥിനിയെ അറുപത്തെട്ടുകാരന്‍ പീഡിപ്പിച്ചുവെന്നാണ് പരാതി. സംഭവത്തെ തുടര്‍ന്ന് അറസ്റ്റിലായ പ്രതി റിമാന്റിലാണ്. കേസില്‍ പെണ്‍കുട്ടി്ക്ക് വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ എസ്. നിഷ ഹാജരായി. ഒറ്റപ്പാലം പോലീസാണ് കേസന്വേഷിച്ചത്.
