റിയാദ് - നിയമാനുസൃത തൊഴിലുടമക്കു കീഴിലല്ലാതെ സ്വന്തം നിലക്ക് ജോലിയിലേർപ്പെടുന്ന വിദേശികൾക്ക് തടവും പിഴയും നാടുകടത്തലും ശിക്ഷ ലഭിക്കുമെന്ന് ജവാസാത്ത് ഡയറക്ടറേറ്റ് മുന്നറിയിപ്പ് നൽകി. ഇത്തരക്കകാർക്ക് അര ലക്ഷം റിയാൽ വരെ പിഴയും ആറു മാസം വരെ തടവുമാണ് ശിക്ഷ ലഭിക്കുക. ശിക്ഷ പൂർത്തിയാക്കിയ ശേഷം നിയമ ലംഘകരെ നാടുകടത്തുമെന്നും ജവാസാത്ത് ഡയറക്ടറേറ്റ് പറഞ്ഞു. ഇഖാമ, തൊഴിൽ നിയമ ലംഘകരെയും നുഴഞ്ഞുകയറ്റക്കാരെയും കുറിച്ച് റിയാദ്, മക്ക പ്രവിശ്യകളിൽ 911 എന്ന നമ്പറിൽ ബന്ധപ്പെട്ടും മറ്റു പ്രവിശ്യകളിൽ 999 എന്ന നമ്പറിൽ ബന്ധപ്പെട്ടും എല്ലാവരും അറിയിക്കണമെന്ന് ജവാസാത്ത് ആവശ്യപ്പെട്ടു.
