കൊച്ചി- ചികിത്സക്കായി ആശുപത്രികളിലെത്തുമ്പോള് മതം ചോദിക്കുന്നതിനെ വിമര്ശിച്ച് സംവിധായകന് ഖാലിദ് റഹ്മാന്. പരിശോധിക്കാന് എന്തിനാണ് മതം ചോദിക്കുന്നതെന്ന് കൊച്ചി മെഡിക്കല് ട്രസ്റ്റ് ആശുപത്രിയിലെ രജിസ്ട്രേഷന് ഫോം ഫേസ് ബുക്കില് പങ്കുവെച്ച് അദ്ദേഹം ചോദിച്ചു.
ഖാലിദ് റഹ്മാന്റെ പേരില് പൂരിപ്പിച്ച രജിസ്ട്രേഷന് ഫോമാണ് പങ്കുവെച്ചിരിക്കുന്നത്. മതം എന്ന കോളത്തില് ഇല്ല എന്ന് എഴുതിയിട്ടുണ്ട്.
'എന്തിനാണ് ഒരു മെഡിക്കല് സ്ഥാപനം പരിശോധനയ്ക്ക് മുമ്പ് മതം ചോദിക്കുന്നത്? മെഡിക്കല് ട്രസ്റ്റ് ഹോസ്പിറ്റല്, ലജ്ജാകരം', ഖാലിദ് റഹ്മാന് കുറിച്ചു.
ആശുപത്രികളില് മതം ചോദിക്കുന്നതിനെതിരെ നേരത്തെയും വിമര്ശനങ്ങള് ഉയര്ന്നിരുന്നു.
