കണ്ണൂര്- ആര്.എസ്.എസ് താത്വികാചാര്യന്മാരായ ഗോള്വാര്ക്കറുടെയും സവര്ക്കറുടെയും പുസ്തകങ്ങള് പഠിപ്പിക്കാനുള്ള നീക്കത്തില്നിന്ന് കണ്ണൂര് സര്വകലാശാല പിന്മാറി. വിവാദ പുസ്തകങ്ങള് പി.ജി സിലബസില് നിന്ന് ഒഴിവാക്കുമെന്ന് വൈസ്ചാന്സിലര് ഡോ. ഗോപിനാഥ് രവീന്ദ്രന് അറിയിച്ചു.
സിലബസില് പോരായ്മയുണ്ടെന്ന് വിദഗ്ധ സമിതി കണ്ടെത്തിയതായി വി.സി പറഞ്ഞു. സിലബസില് മാറ്റം വരുത്തിയാണ് നാലാം സെമസ്റ്ററില് പഠിപ്പിക്കുകയെന്ന് അദ്ദേഹം പറഞ്ഞു.
എം.എസ് ഗോള്വാര്ക്കറുടെ 'നാം അഥവാ നമ്മുടെ ദേശീയത്വം നിര്വ്വചിക്കപ്പെടുന്നു' (വീ ഔര് നാഷന്ഹുഡ് ഡിഫൈന്സ്), വിചാരധാര (ബഞ്ച് ഓഫ് തോട്ട്സ്), വി.ഡി. സവര്ക്കറുടെ 'ആരാണ് ഹിന്ദു' എന്നീ വിവാദ പുസ്തകങ്ങളാണ് സിലബസില് ഉള്പ്പെടുത്തിയിരുന്നത്. അക്കാദമിക പുസ്തകങ്ങളായി പരിഗണിക്കാത്ത വര്ഗീയ പരാമര്ശങ്ങളുള്ള കൃതികളാണ് ഇവയെന്ന ആക്ഷേപം ശക്തമായിരുന്നു.
