തിരുവനന്തപുരം- കണ്ണൂര് സര്വകലാശാലയിലെ വിവാദ സിലബസിനെ അനുകൂലിച്ച് കോണ്ഗ്രസ് എം.പി ശശി തരൂര്. ചില കൂട്ടുകാര് തന്റെ ചില നിലപാടുകളില് വിരോധം കാണിക്കാറുണ്ടെന്നും എന്നാല് അക്കാദമിക സ്വതന്ത്ര്യം എന്നത് നമുക്ക് ഇഷ്ടമില്ലാത്ത വിഷയത്തെക്കുറിച്ചു പോലും വായിക്കുകയും പഠിക്കുകയും ചര്ച്ച ചെയ്യുകയും അതിനെ കുറിച്ച് മനസിലാക്കുകയും ചെയ്യുമ്പോള് മാത്രമേ പൂര്ത്തിയാകുന്നുള്ളുവെന്ന് ശശി തരൂര് ഫേസ്ബുക്കില് കുറിച്ചു.
സവര്ക്കറെയും ഗോള്വാക്കറിനേയും കുറിച്ച് പഠിക്കാതെ എന്ത് അര്ഥത്തിലാണ് അവരുടെ ചിന്താഗതികളെ എതിര്ക്കുകയെന്നും കണ്ണൂര് സര്വകലാശാലയില് ആര്. എസ്.എസ് നേതാക്കന്മാരെ കുറിച്ചു മാത്രമല്ല നെഹ്റുവിനെകുറിച്ചും മഹാത്മാഗാന്ധിയെ കുറിച്ചും പഠിപ്പിക്കുന്നുണ്ടെന്നും ശശി തരൂര് വ്യക്തമാക്കി.
കക്ഷി രാഷ്ട്രീയത്തിന്റെ ബലിപീഠത്തില് ബലിയര്പ്പിക്കപ്പെടേണ്ട ഒന്നല്ല ബൗദ്ധിക സ്വതന്ത്ര്യമെന്നും ഒരാളുടെ വീക്ഷണങ്ങള്ക്കു നേരെ കണ്ണടച്ചതു കൊണ്ട് അയാളെ തോല്പിക്കാന് സാധിക്കുമെന്ന് കരുതുന്നത് വിഡ്ഢിത്തമാണെന്നും തരൂര് പറഞ്ഞു. സവര്ക്കറും ഗോള്വാക്കറും പറഞ്ഞിട്ടുള്ള നിരവധി കാര്യങ്ങള് തന്റെ പുസ്തകത്തില് ഉദ്ധരിച്ചിട്ടുണ്ടെങ്കിലും അവരുടെ ചിന്താഗതികളെ എതിര്ക്കുകയായിരുന്നെന്ന് തരൂര് പറഞ്ഞു.
