തിരുവനന്തപുരം- സി.പി.എമ്മിന്റെയും ഇടതുമുന്നണിയുടെയും മികച്ച സഹയാത്രികനായി കെ.ടി ജലീൽ തുടരുമെന്ന് മുഖ്യമന്ത്രി പിണറായി വിജയൻ. ജലീലുമായി സി.പി.എമ്മിന് ഒരു അകൽച്ചയുമില്ല. സഹകരണ ബാങ്കിലെ അഴിമതിയുമായി ബന്ധപ്പെട്ട് ഇ.ഡിയെ ക്ഷണിക്കേണ്ടതില്ല എന്നാണ് പറഞ്ഞത്. അക്കാര്യം ജലീൽ തന്നെ പറഞ്ഞിട്ടുമുണ്ട്. പി.കെ കുഞ്ഞാലിക്കുട്ടിയോടെ കെ.ടി ജലീൽ വ്യക്തിവിരോധം തീർക്കുകയാണ് എന്ന് അഭിപ്രായമില്ല. സഹകരണ മേഖലയ്ക്ക് കൃത്യമായ സംവിധാനമുണ്ട്. അതിന്റെ കാര്യത്തിൽ ഇ.ഡിയിലേക്ക് പോകേണ്ടതില്ല എന്നാണ് പറഞ്ഞതെന്നും മുഖ്യമന്ത്രി വ്യക്തമാക്കി.
