കൊല്ലം- പരവൂരില് ബീച്ചിലെത്തിയ അമ്മക്കും മകനും നേരെയുണ്ടായ സദാചാര ഗുണ്ടാ ആക്രമണം. തമിഴ്നാട്ടിലേക്ക് കടക്കാന് ശ്രമിക്കുന്നതിനിടെ തെന്മലയില്നിന്ന് പ്രതി ആശിഷിനെ പിടികൂടി.
തെക്കുംഭാഗം ബീച്ചില് തിങ്കളാഴ്ച ഉച്ചക്ക് മൂന്നുമണിയോടെയാണ് 44 കാരിയായ ഷംലയും 21 വയസ്സുള്ള മകന് സാലുവും ആക്രമിക്കപ്പെട്ടത്. ഷംല വര്ഷങ്ങളായി മെഡിക്കല്കോളേജ് ആശുപത്രിയില് ചികിത്സയിലാണ്. കഴിഞ്ഞദിവസം പരിശോധനക്ക് ഇരുവരും കാറില്പ്പോയി മടങ്ങിവരുമ്പോഴാണ് ആക്രമണമുണ്ടായത്. ഊണുവാങ്ങി കാറില്വെച്ചു കഴിക്കാനൊരുങ്ങുമ്പോഴാണ് ഒരു യുവാവ് ഇവരുടെ അടുത്തേക്കെത്തിയത്. അസഭ്യം പറഞ്ഞ് സാലുവിനെ കമ്പിവടികൊണ്ട് അടിച്ചു. തടയാന് ശ്രമിച്ച ഷംലയുടെ കഴുത്തില് പിടിച്ചുതള്ളുകയും നിലത്തിട്ടു ചവിട്ടുകയും അടിക്കുകയും ചെയ്തു.
പ്രതി ആശിഷ്
അമ്മയാണെന്നു പറഞ്ഞപ്പോള് തെളിവുചോദിച്ചായിരുന്നു മര്ദനം. ആളുകള് കൂടുന്നതുകണ്ടപ്പോഴാണ് ഇയാള് മര്ദനം അവസാനിപ്പിച്ചത്. രക്തം കട്ടപിടിക്കാത്ത രോഗത്തിന് 16 വര്ഷമായി ചികിത്സയിലാണ് ഷംല.
ഷംലയും സാലുവും പരവൂര് പോലീസ് സ്റ്റേഷനിലെത്തി വിവരം അറിയിച്ചശേഷം നെടുങ്ങോലം താലൂക്കാശുപത്രിയിലും പിന്നീട് പെരുമ്പുഴ സ്വകാര്യ ആശുപത്രിയിലും ചികിത്സതേടി. ചൊവ്വാഴ്ച രാവിലെ പരവൂര് എ.സി.പിയെ ഫോണില് ബന്ധപ്പെട്ടതോടെയാണ് കേസെടുത്ത് അന്വേഷണം തുടങ്ങിയത്.
