ബംഗളൂരു- കേരളത്തില്നിന്നു എത്തുന്നവര്ക്ക് ഏഴു ദിവസത്തെ ക്വാറന്റെന് നിര്ബന്ധമാക്കി കര്ണാടക സര്ക്കാര്. രണ്ട് ഡോസ് വാക്സിന് സര്ട്ടിഫിക്കറ്റും കോവിഡ് നെഗറ്റീവ് സര്ട്ടിഫിക്കറ്റും പരിഗണിക്കില്ല.
കര്ണാടകയില് ഇന്ന് 973 കോവിഡ് കേസുകള് മാത്രമാണ് റിപ്പോര്ട്ട് ചെയ്തത്. ടി.പി.ആര് 0.64% ആണ്.
ഏഴു ദിവസവും സര്ക്കാര് കേന്ദ്രങ്ങളില് ക്വാറന്റൈനില് കഴിയണം. എട്ടാം ദിവസം നടത്തുന്ന കോവിഡ് പരിശോധന ഫലം നെഗറ്റീവ് ആയാല് മാത്രമേ പുറത്തിറങ്ങാന് അനുവദിക്കൂ.
കേരളത്തിലെ ഉയര്ന്ന ടെസ്റ്റ് പോസിറ്റിവിറ്റി നിരക്കാണ് നിയന്ത്രണങ്ങള് കടുപ്പിക്കാന് കാരണം . കേരളവുമായി അതിര്ത്തി പങ്കിടുന്ന ജില്ലകളിലും നിയന്ത്രണങ്ങള് തുടരും. ദക്ഷിണ കന്നഡ, കൊടക് ജില്ലകളിലാണ് നിയന്ത്രണങ്ങള് തുടരുക.
ടി.പി.ആര് രണ്ട് ശതമാനത്തില് താഴെയുളള ജില്ലകളിലെ ആറു മുതല് എട്ട് വരെ ക്ലാസുകള് തുറക്കാനും കര്ണാടക സര്ക്കാര് തീരുമാനിച്ചു. ഓഗസ്റ്റ് 23 മുതല് 9മുതല് പ്ലസ് ടു വരെയുള്ള ക്ലാസുകള് ആരംഭിച്ചിരുന്നു.
