റിയാദ് - ദക്ഷിണ സൗദിയിലെ ഖമീസ് മുശൈത്തില് സ്ഫോടക വസ്തുക്കള് നിറച്ച പൈലറ്റില്ലാ വിമാനം ഉപയോഗിച്ച് ആക്രമണം നടത്താനുള്ള ഹൂത്തി മിലീഷ്യകളുടെ ശ്രമം സഖ്യസേന പരാജയപ്പെടുത്തി. ഇന്നലെ പുലര്ച്ചെയാണ് ഖമീസ് മുശൈത്തില് സാധാരണക്കാരെയും സിവിലിയന് കേന്ദ്രങ്ങളും ലക്ഷ്യമിട്ട് ആക്രമണം നടത്താന് ഹൂത്തികള് ഡ്രോണ് തൊടുത്തുവിട്ടത്. ലക്ഷ്യസ്ഥാനത്തെത്തുന്നതിനു മുമ്പായി ഡ്രോണ് കണ്ടെത്തി സഖ്യസേന വെടിവെച്ചിടുകയായിരുന്നു.
